زن متولد ماکو
حکایتهای شهربانو در پرشین بلاک
صفحات وبلاگ
کلمات کلیدی مطالب
آرشیو وبلاگ
نویسنده: شهربانو - چهارشنبه ۱٥ آبان ۱۳۸٧

بیر گون واریدی بیر گون یوخیدی ، آللاهدان سورا هئچ کیم یوخیدی ، بیر گونلرین بیر گونونده بیر پادشاه واریدی . بو پادشاهین بیر خوروز واریدی . خوروز هر گون ساباحلاری تئزدن سارایین دووارینا چیخیب بئله سی بانلاردی : قوقولی قوقو سحرچوخدان آچیلیب ، بیزیم تنبل پادشاه یاتیب یوخویا قالیب .

گونلرین بیر گونونده خوروز یئری ائشنده وورار بیر سکه تاپار . بانلییب دییه ر : قوقولی قوقو ، بیردنه سکه تاپمیشام.

پادشاه دییه ر : اورا باخ ! اورا باخ ! همی منیم سارییمدا یئییر ایچیر بوینونو یوغونلادیر همی ده تاپدیغی سکه یه صاحاب چیخیر! آی وزیر یئری سکه نی الندن آل گتیر بورا .

وزیر تئزجنه گئدیب سکه نی خوروزون الیندن آلیب گتیریب پادشاها وئره ر . خوروز بانلییب دییه ر : قوقولی قوقو شاه منه محتاجیمیش.

پادشاه دییه ر : وای وای وای آللاه گؤرستمه سین تئز اول سکه نی اؤونه قایتار سه سی باتسین . وزیر تئزجنه سکه نی خوروزا قایتارار .

خوروز بانلییب دییه ر : قوقولی قوقو شاه نه ده قورخاغیمیش.

پادشاهین چوخ آجیغینا گلیب آشپازینا امر وئره ر کی خورورزو توتوب باشینی کسیب ناهارا بیر گؤزل خوروز پیلوو پیشیرسین. اشپاز خوروز توتوب باشینی کسر خوروز بانلییب دییه ر : قوقولی قوقو نه ایتی پیچاغیمیش.

اشپاز خوروزو دری بوغاز ائیلر خوروزبانلییب دیه ر : قوقولی قوقو نه ظالیم داللایمیش.

آشپاز خوروز قاینار سویا سالاندا خوروز بانلییب دیه ر : قوقولی قوقو نه ایستی حامامیمیش.

آشپاز پیلوو بیر یئکه مژمئییه چکیب خوروزو دا پیلوون اوستونه قویار خوروز بانلار : قوقولی قوقو نه اوجا تپه ییمیش.

پادشاه خوروزو آغزینا قویوب بیر دیش قوپاردیب چئینه مه یه باشلار خوروز بانلییب دییه ر : قوقولی قوقو نه آق دییرمانیمیش .

پادشاه خوروز اودار خوروز بانلییب دییه ر : قوقولی قوقو نه داراش دربندیمیش.

سونرا خوروز دوشر شاهین معده سینه بانلییب دییه ر : قوقولی قوقو نه خیردا اوتاغیمیش .

پادشاهین معده سینده یازیق خوروزون قالیب قولانی دا ازیلیب بوزولر . بیر خیرداسی قارنیندا قالار، بیر خیرداسی دا باغیرساغا ساری گئده ر .خوروز بانلییب دییه ر: قوقولی قوقو نه اوزون دالانیمیش.

پادشاه اوقدیر ییه ر کی قارنی سانجیلانار . دییه ر : ای هارای داد ! وزیر دادیما یئتیش ایندی بو خوروز منی اؤلدوره جک .

وزیر دییه ر : قبله عالم ساغ اولسون . تئزجنه ماوالا گئدین اولی کی بو دردیز درمان تاپا.

پادشاه سانجی دان بورولا – بورولا ماوالا گئدر .

خوروز بانلییب دییه ر : منیم یاخام قورتولدو ، پادشاهین ... ییرتیلدی

 

شهربانو
من معلم بازنشسته غربت نشینم و این کلبه اینترنتی خانه سیاه مشق های من است.
نویسندگان وبلاگ:
دوستان من:
کدهای اضافی کاربر :