زن متولد ماکو
حکایتهای شهربانو در پرشین بلاک
صفحات وبلاگ
کلمات کلیدی مطالب
آرشیو وبلاگ
نویسنده: شهربانو - جمعه ۳٠ امرداد ۱۳۸۸

 

شفق ویرار زنگماری قان ائیله ر

اوره کلری داغلییار شان شان ائیله ر

بو چمنلر عاشیقی یاردان ائیلر

بو دوزلرده باخ توپوزلو خاش خاشا

قایناییبدیر ، قاریشیبدیر داش داشا

...

بوز کیمی پاریلدیر قایا داشلاری

مخملده ن بزنیب داشین باشلاری

چوخ یئمه لی دولما ، فیریح آشلاری

اولدوزلار گئجه لر ، گؤز گؤز آتیرلار

نیشانلی لار بیربیرینه چاتیرلار

...

قره سولار گلیر اوتمان ائلینده ن

ساری سولار آراراتین تئلینده ن

بو کندیمین شوجاع رشید ائلینده ن

من سنه سویلویوم اینان آرخاداش

یئر گوی اولوب بیر یئکه الوانلی داش

...

چرچی ، سانجاق ، مارقا داراغین ساتار

گالین شالین آتلی آتینا آتار

کومکه ینه ن آشپز ، آشلاری قاتار

گلین تویو گؤزل اولار سئومه لی

چوخ یاخشی دیر ، گتدی تویون گؤرمه لی

...

چا لینان دامادا ، آغش به زه للر

او آغاجا نار خورمانی دوزه للر

خوروز ، تویوق ، قویون باشی که سه للر

موتروب چالار سازین ، پوله ر زیرناسین

دولدورار آشینان ، سائیل کاساسین

...

شلاله لر ، یئر سینه سین یارالیر

بو داغلاری ده ره لری آرالیر

پاییز واختی ، داغلار الله سارالیر

ائله بیل قیزیلدیر ، تؤکوب داغلارا

خزه للر تؤکولوب ، گؤزل باغلارا

...

قار قالاندی ، بو داغلارین باشینا

کفن ساردی کمرینین قاشینا

سن باخگیلان ، آغ دون گئیه ن داشینا

آل یاشیل لی داغلار الله آغاردی

سئل گلردی ده ره لری یاراردی

...

داها دئمه کتدی تویوندان عابباس

کتدی گلین داماد اویوندان عابباس

آز دئگینه ن چوبان هاییندان عابباس

یادیما دوشنده کندین داغلاری

او گزمه لی چشمه لری باغلاری

شهربانو
من معلم بازنشسته غربت نشینم و این کلبه اینترنتی خانه سیاه مشق های من است.
نویسندگان وبلاگ:
دوستان من:
کدهای اضافی کاربر :